Fraszki o Wyszogrodzie po śląsku

Fraszki o Wyszogrodzie po śląsku

Postprzez Heimat » 16 Wrz 2015, 22:05

Wyszogrod V wiek n.e.

Cosik Å‚o tym durÅ› bajajom
Czy recht richtig we tym majom?


Wyszogrod 1065

Ano - historyjo już tyn grod nom jawi
Toż i ze tym przeca radość wielko sprawi.


Wyszogrod XII w.

Kasztelanio wyszogrodzko
Blyszczy w ty dziedzinie
Lepszych czasow jeszcze doczko
Zocność niy przeminie.


Wyszogrod XIII w.

Princ Konrad tu zamek dlo siebie buduje
Mazowieckim Piastom tyn grod fest sztimuje.


Wyszogrod XV-XVI w.

Toż Wyszogrod blyszczy
Handlym se bogaci
Wiślany port zyszczy
Na suknie niy traci.


Kościoł Franciszkanow

Gotyk z barokym w niym wymiyszany
Był wangelikom piyrwyj tyż dany
Po drugi wojnie zaÅ› katolikom
Tako se we niym teroz porzykom.


Po wojnach szwedzkich

Po tych wojnach szwedzkich sztela fest biydnieje
Mało kto radośnie se już tukej śmieje.


Gora Zamkowo

Po zamku śladu tu niy łostało
A przeca piyrwyj dziedzina cało
Princ mazowiecko doglondoł z grodu
Już se niy wroci - tako wom godom.


Zamek princow mazowieckich

Niy ma już zamku z Gory Zamkowy
Zbulyli cołkym niy do połowy
Cegła przidała se im kaj ińdzi
Tako widzicie - czas w przodek pyńdzi.


Piyrszy kościoł parafialny Trojcy Świynty

Piyrszy kościoł na szkarpie stanoł blisko rzeki
Woda z Wyszogrodu go wziyła na wieki
Toż dugo świontyni tu nowy niy mieli
Chocioż do Ponboczka ciyngym rzykać chcieli.


Wyszogrod 1726

Z tym rokym Wisła szkarpa zabrała
Z cołkom świontyniom! Czy jeji chwała?


Kościoł parafialny Trojcy Świynty 1779-1786

Siedym rokow w Wyszogrodzie tyn kościoł dźwigali
Z Gdańska Fischer kunszt swoj dowo - bydom jymu pszali
Dyć wyrosła im świontynia - blyszczy we dziedzinie
Jak zoglondniesz to na pewno tego niy Å‚ominiesz.


Stroże Grobu Pańskego 1320-1819

Toż Bożogrobcow Wyszogrod znoł
Pociecha ze nich przeca tyż mioł
Princom mieszczanom w Bogu służyli
Dlo tych w utropie nojpełni żyli.


W XIX wieku

Z Gory Zamkowy se zamek stracioł
Chocioż grod piyrwyj richtig bogacioł.


Most na Wiśle

Przi drugi wojnie ze jyńcow potu
I krwi tyż przeca był budowany
Że już go niy ma zdo sie gupotom
Bo ku pamiyńci tyż jakby dany.
Awatar użytkownika
Heimat
NVD Maniak
NVD Maniak
 
Posty: 1113
Rejestracja: 26 Gru 2011, 12:08
Miejscowość: נובידבור
Płeć: mężczyzna

Wróć do Książki/Komiksy/Poezja

Kto jest na forum

Użytkownicy przeglądający to forum: Brak zarejestrowanych użytkowników oraz 3 gości