Strona 1 z 1

Fraszki po śląsku o Czerwińsku

PostWysłany: 26 Wrz 2015, 00:54
przez Heimat
Czerwińsk nad Wisłom

Na szkarpie wiślany se zicnoł wysoko
Dyć przeca do wody niy bydzie łon skokoł.


Czerwińsk (1065)

Już w historyji se zajtom asi
Tako i Wisła ździybeczko krasi.


Czerwińsk (1124)

Erbnoł Czerwińsk biskup płocki
Spokojniejsze mo z niym nocki.


Czerwińsk (1148)

Dzisioj klasztor Salezjanow
Piyrwyj tych ze Lateranu
Kanonikow Regularnych
Z tym tref zocny a niy marny.


Blyszczy

Kunsztym romańskim tu klasztor blyszczy
Czy dlo dziedziny czas lepszy zyszczy?


W czerwińskim klasztorze

Jagiełło z Witoldym tu se spotykali
Pewnikym radziyli jako ciongnońć dali.


"Brama opata Rafała" (1497)

Łod rzeki ta brama ci klasztor łotwiyro
Byś na jego cuda terozki zaziyroł.


Kościoł Zwiastowanio NMP (XII w.)

Tako już widzicie - romańsko świontynia
Szkryfnońć ło niyj cosik tukej niy łomina
Bo przeca niywiela takowych łostało
Piyrwyj wiyncy było - dzisioj richtig mało.


Cegła romańsko

W czerwińskim kościele ta cegła znojdziecie
Dyć starszy ze świyczkom darmo szukać przecie.


Kościelne freski

Toż nojstarsze tukej z XII wieku
Kunsztym starodownym dzisioj zodziwiajom
Łodkrycio zocniejszych wcale już niy czekom
W Czerwińsku szczyńśliwi że takowe majom.


Przi figurze Krystusa

Pawiom co w tym miejscu wojska porzykały
A potym pod Grunwald se tako wybrały.


Gotycko pieta (1425)

Toż i taki fresku tymat
Pon Bog bydzie - syna niy ma.


Mynka Pańsko (XVII w.)

Tyn fresk już jest barokowy
Dlo nos dzisioj tyż niy nowy.


Matka Bosko Czerwińsko (1612)

Łukasz z Łowicza jom namalowoł
Na muster włoski Madonny
Wiara swyj duszy kunsztym nom dowoł
Dar cudny - tako dozgonny.


Pod łobrozym

Pod łobrozym czerwińskim rzykali i Wazy
Wtedy jak Korona łobrywała razy
Toż czerwińsko Matka kraj w łopiece miała
Na co i dowody niyroz tyż dowała.


Matce Boski płaczki lecom

Ano - z łobrozu płaczki leciały
Na Dzikich Polach łogyń niymały
Chmielnicki ruszoł kozokow tako
Se we tym razie łobroz rozpłakoł

Po Beresteczku ze tym już koniec?
Chorongwie bestoż tu powieszone?
Co historyjo ło tym nom prawi?
Możno legyndom se yno jawi.


Czerwińsk (1819)

Zakon skasowali z tym rokym Rosjany
Tako istny klasztor na zniszczynie dany
Zdało se co ciyngym bydzie we ruinie
Dyć przeca rozblyśnie jeszcze w ty dziedzinie.


Czerwińsk dzisioj

Małe miasteczko - dyć se niy zdowo
We historyji grod zocnie stowo.


____________________________________________________________________
Autorem fraszek "Ło Mazowszu" jest niejaki @broneknotgeld